മുളക്കുഴ
ഗ്രാമ പഞ്ചായത്ത്

മുളക്കുഴ ഗ്രാമപഞ്ചായത്ത്
പൗരാവകാശ രേഖ (Citizen Charter) 2025 സംബന്ധിച്ച റിപ്പോർട്ട്

മുളക്കുഴ ഗ്രാമപഞ്ചായത്തിൽ പൊതുജനങ്ങൾക്ക് ലഭ്യമാക്കുന്ന വിവിധ സേവനങ്ങളുടെ നടപടിക്രമങ്ങൾ, ആവശ്യമായ രേഖകൾ, സേവന ഫീസ്, സേവനം ലഭ്യമാക്കുന്നതിനുള്ള സമയപരിധി എന്നിവ വ്യക്തമാക്കിക്കൊണ്ട് 2025 വർഷത്തേക്കുള്ള പൗരാവകാശ രേഖ തയ്യാറാക്കിയിട്ടുണ്ട്.

ജനന-മരണ രജിസ്ട്രേഷൻ, ജനന-മരണ സർട്ടിഫിക്കറ്റ് വിതരണം, വിവാഹ രജിസ്ട്രേഷൻ, താമസ സർട്ടിഫിക്കറ്റ്, ഉടമസ്ഥാവകാശ സർട്ടിഫിക്കറ്റ്, കെട്ടിട നമ്പർ അനുവദിക്കൽ, കെട്ടിട പെർമിറ്റ്, വ്യാപാര ലൈസൻസുകൾ, നികുതി സംബന്ധമായ സേവനങ്ങൾ, സാമൂഹ്യ സുരക്ഷാ പെൻഷനുകൾ ഉൾപ്പെടെയുള്ള വിവിധ സേവനങ്ങൾ സംബന്ധിച്ച വിവരങ്ങൾ പൗരാവകാശ രേഖയിൽ ഉൾപ്പെടുത്തിയിട്ടുണ്ട്.

ഓരോ സേവനത്തിനും ആവശ്യമായ അപേക്ഷാ ഫോറങ്ങൾ, അനുബന്ധ രേഖകൾ, ബാധകമായ ഫീസ്, അപേക്ഷ ലഭിച്ചശേഷം സേവനം നൽകേണ്ട പരമാവധി സമയപരിധി എന്നിവ വ്യക്തമായി രേഖപ്പെടുത്തിയിട്ടുണ്ട്. ഇതിലൂടെ സേവന വിതരണത്തിൽ സുതാര്യത ഉറപ്പുവരുത്തുന്നതിനും പൊതുജനങ്ങൾക്ക് സേവനങ്ങൾ സമയബന്ധിതമായി ലഭ്യമാക്കുന്നതിനും സാധിക്കുന്നതാണ്.

പൗരാവകാശ രേഖ പഞ്ചായത്ത് ഓഫീസിലും മറ്റ് പൊതുസ്ഥലങ്ങളിലും പ്രദർശിപ്പിക്കുന്നതിനും പഞ്ചായത്ത് വെബ്സൈറ്റിലൂടെ പൊതുജനങ്ങൾക്ക് ലഭ്യമാക്കുന്നതിനും നടപടികൾ സ്വീകരിച്ചിട്ടുള്ളതാണ്.